Lausnin

 Já lausnin er komin við mínum vandamálum sem fram komu hér í fyrstu fréttinni.

Danska: Já það er nú ekki erfitt að leysa þetta vandamál. Ef að maður vill ekki læra dönsku og nennir því ekki þá á maður nú bara að tala við sjálfan skólameistarann og segja sig úr dönskunni. Vitleysa að læra svona ef að maður vill það ekki og verður skólinn bara leiðinlegri fyrir vikið.

Vitaborgarinn: Erfiðara gæti nú verið að finna lausn á þessu vandamáli eða öllu heldur koma henni í framkvæmd. En það væri náttúrulega bara algjör snilld ef að það væri bara opnaður Vitaborgara-staður hér í skólanum enda langbestu hammararnir í bænum og ekki orð um það meir. Kannski frekar fjarlægur draumur en þó alveg raunhæfur, að mínum mati.

 

Busadagurinn

Busadagurinn var alveg "off the hook". Maður slapp nú ágætlega frá busininni þó að busadrykkurinn hafi nú verið helvíti slæmur. En busaballi á Gauknum um kvöldið var alveg magnað. Þar var Buffið sívinsæla að spila og stóðu þeir alveg undir væntingum. Við félagi minn ætluðum nú aldrei að komast inn en raddaðist það auðvitað allt á endanum. En mjög eftirminnilegur dagur að baki og hlakkar manni nú bara til að fara að busa nýnema sjálfur

Lífið og tilveran

Það er fátt meira pirrandi en þessi blessaða danska í skólanum. Getur hún gert mig brjálaðan og þar sem ég hef ekki lært eitt einasta orð í dönski síðan ég lærði: "jeg hedder Arnór" hérna í dentíð þá sýnist mér ég verða að taka mig á. Einn góður maður sagði að vilji er allt sem þarf en hann er bara ekki til staðar hjá mér. Þó að margir mánuðir séu í prófin að þá get ég samt sagt: Ég er fallinn.

Það frábærasta af öllu væri nú ef að maður gæti sprautað í sig viti. Ég hef gælt við þessa hugmynd í mörg ár og hugsa ég að það sé mikill markður fyrir svona lagað hér á landi. Ætli maður fari ekki bara á næstu dögum að gera rannsóknir og finni upp einn skammt af viti. Ég mun koma þessu á markað og eftir ár er mjög raunhæft að ég geti byrjað að mala gull.

Af hverju í fjandanum er ekki boðið upp á heitan mat hérna í Ármúlaskóla. Þó að það væri nú bara í hádeginu. Alltaf fer maður yfir á Vitaborgara sem að er nú samt bara helvíti gott en 700 kr á dag er frekar mikið þegar að maður er ungur námsmaður og enginn tími gefst til vinnu. Einn ansi ósáttur.